XtGem.com

غزل

کیا گلہ تھا مجھے سوچتا رہ گیا
اس کو دیکھا تو بس دیکھتا رہ گیا

بھول کر سارے آداب محفل کے میں
اُس کو بے ساختہ تاکتا رہ گیا

ابرِ باراں گرجتا رہا اور میں
بارشِ حسن میں بھیگتا رہ گیا

مل گیا دوسرا اُس کو محبوب بھی
خط معافی کا میں بھیجتا رہ گیا

جھوٹ بازار میں سب کے سب بک گئے
میں اکیلا ہی سچ بیچتا رہ گیا

سارے در سے ہمیں نا مرادی ملی
اے خدا بس ترا راستہ رہ گیا

آگیا دشمنِ دین ایمان تک
قوم کا نوجواں اونگھتا رہ گیا

جو نبردآزما تھا وہی شاد ہے
بخت سے بھاگا جو بھاگتا رہ گیا

اس نے دیکھا نہیں پھر پلٹ کر مجھے
اے سلامت میں بس چیختا رہ گیا

محمد ایوب سلامت

شعبۂ فروخت : اشرف نیوز ایجنسی اینڈ بک ڈپو گجری بازار ،کامٹی٤٤١٠٠١ضلع ناگپور (مہاراشٹر )

ALFAAZ Hind Urdu Monthly Printed & Published by Rehan Kausar,Owned by Vidarbha Minority Multipurpose Rural Development Educational Society (NGO). Published From Kamptee, Nagpur M.S. Printed at Vidarbha Hindi Urdu Press Kamptee, Nagpur